أنفلونزا الرسائل المزعجة

21 مايو 2009

sms2

تك تك .. تك تك .. مسج

بلهفة معدومي  الأمل أمثالي ..

وبقلب راضٍ بقضاء الله و قدره ..

أتقدم نحو هاتفي المتحرك ..

اقرأ المعوذتين.. ربي أسألك رد القضاء و أسألك اللطف فيه

أفتح القفل .. يا إلهي code not accpeted

أكرر المحاولة .. سليمة هذه المرة ..

1 رسالة جديدة

فتح ..

ولكن..

لا جديد كالعادة ..

  • تنزيلات وعروض خاصة في كل المحلات التي لا تهمني😕
  • تشكيلة الشتاء 😯 الجديدة في دبنهامز !!  ((نحن في شهر مايو  ))
  • اشتر عشرة على الشجرة  واحصل على واحدة مجانا .. العرض مذهل سارعوا قبل نفاذ الكمية !!
  • عروض جديدة من اتصالات .. تكلموا مع اقاربكم في أنحاء الكرة الارضية  بتخفيض مغر 0.2 % 😡
  • بادر بالاشتراك  في خدمة الـ ((   )) .. التسجيل مجاني .. تخضع لرسوم الإيجار الشهري !! (( الرسوم عبارة عن رقم مكون من ثلاث خانات ))
  • لقد ربحت شليون دولار في المسابقة اللي عمرك ما شاركت فيها  وعليك الاتصال بالرقم 700090000000 في ما وراء البحار لتأكيد معلوماتك !! 😐
  • عملية سحب نقدي ورصيدك الحالي قريب من الصفر icon_surprised
  • لقد حان موعد تجديد اشتراككم .. يرجى تسديد الرسوم قبل شهر من تاريخ هذه الرسالة..  (( الله يبشركن بالخير ))
  • توقع الفائز في مباراة نهائي كأس بوركينا فاسو القومي و أرسل الرقم 1 لتربح تذكرة مجانية لحضور المباراة !!!!  👿
  • و رسالة آخر موضة .. نحن ننوي افتتاح متاجرنا الجديدة .. سمينا بنفسك!!!!  ((ان شاء الله عمركن ما تتسموا))
  • والباقي هي رسائل المكالمات التي لم يرد عليها  ..

هل يوجد طريقة أوقف بها هذا السيل من الرسائل المزعجة التي تقلق راحتي ؟؟

إنها تعذبني .. إنها تدمر أعصابي

أصبحت امنيتي ان استلم رسالة من بني البشر

حتى لو كان مضمونها ذم و قدح و تشهير

هاتفي المتحرك مصاب بمرض أنفلونزا الرسائل المزعجة  icon_cry

أريدُ حلاً !!

17 تعليق “أنفلونزا الرسائل المزعجة”

  1. باسل Says:

    مرحبا،
    النصيحة الوحيدة هي أن ترمي بالخليوي بعيدا ….. أن تأخذي حبتين سيتامول و فنجان من اليانسون …. شكرا لك فقد رسمت كلماتك الابتسامة على وجهي … تحيّاتي

  2. روح الياسمين Says:

    ألا تعلمين أن سيد الأمنيات قد رحل في الزمان البعيد . .
    تاركاً خلفه أنا وأنتِ وأمثالنا الكثير ….
    الحل ياعزيزتي . . .
    أن تلقي بالجوال على رأس أول طبيب نفساني تشاهدينه
    ولو كان على قارعة الطريق .

  3. أمنيّة Says:

    هههههههههه
    ملعوبة جدا

  4. اللجي Says:

    المشكلة ان موبايلي مصاب بحمى الجوائز……
    مبرروك لقد ربحت كذا اتصلت على رقم كذا
    وطبعا يا ريت ربحت ولو عشرة واحدات

  5. ناسداك Says:

    هي اول مرة بسمع ان الموبايل بيتحرك !! معقولة مثلا هلء حطو بجيبتي شوي تانية لاقيه ع البلكونة عم يبصبص يمين شمال بلكي لاقالو شي موبالاية حلوة ^_^

    هلء انو توصلك رسالة مزعجة هاد شي عادي كتير خاصة ان شركات الموبايل بتبيع هالخدمة اللي ما بتكلفها شي بمصاري .. مابتوقع في طريقة للتخلص منها إلا انو توقفي خدمة الرسائل ابدا ومابعتقد ممكن تعمليها ! …

    النهفة مو انو يوصلك عرض بغير وقتو .. النهفة يوصلك عرض من برى رخام ومن جوى سخام .. متل عنا MTN بيقلك حسم 50 % على المكالمات والرسائل وبحقيقة الامر الحسم بيكون حوالي 20 % وللمكالمات ما بين الساعة 1 ليلاً والساعة 9 صباحاً

    شو بدك تحكي لتحكي .. بيكفي انو عم يرن وتوصلك مسجات .. بيسلوا *_*

    اه بالمناسبة … حدى شاف موبايلي ؟ من شوي تركتو ع الطاولة جنبي !

  6. حمودة Says:

    الحمد لله بسوريا أنا مستريح من هيك شي

    بس في غلط فني ( ربي أسألك رد القضاء و أسألك اللطف فيه)

    ربي لالالالالالالالالالالالا أسألك رد القضاء و لــــــــــــــــــــــــــــــكن أسألك اللطف فيه

    هيك بقولوها

    صلحي اختي صلحي

    نحنا الجوال عنا مابرن ألا نادرا شنو ماحدى بعبر حدى ألا نادرا وعلى التلفون الارضي وشركات الجوال مابتبعت هيك شي ألا على الاعياد وشيء خفيف جدا


  7. ناسداك يقول:
    النهفة مو انو يوصلك عرض بغير وقتو .. النهفة يوصلك عرض من برى رخام ومن جوى سخام .. متل عنا MTN بيقلك حسم 50 % على المكالمات والرسائل وبحقيقة الامر الحسم بيكون حوالي 20 % وللمكالمات ما بين الساعة 1 ليلاً والساعة 9 صباحاً

    شو بدك تحكي لتحكي .. بيكفي انو عم يرن وتوصلك مسجات .. بيسلوا *_*

    كلون من نوعية رخام و سخام الا ما ندر
    بس متل ما قلت بالاخير بيسلوا .. صيت مسجات ولا عدمو
    ولا تبلينا بموبـايلك ما حدا حط على طاولتنا شي:mrgreen:

    حمودة يقول:بس في غلط فني ( ربي أسألك رد القضاء و أسألك اللطف فيه)
    ربي لالالالالالالالالالالالا أسألك رد القضاء و لــــــــــــــــــــــــــــــكن أسألك اللطف فيه
    هيك بقولوها
    صلحي اختي صلحي

    والله اخي بعتذر منك انت لازم تصلح معلوماتك
    لانو مابيصير نقولها متل ما حضرتك تفضلت ولمزيد من المعلومات اضغط هنا

  8. مزاجيات Says:

    أضحك الله سنك يا بنت

    فعلاً أضحكتيني
    وعلى الأقل تشعرين أن جهازك يعمل لما تصل الرسائل
    كنت أعاني من فترة من أنقطاع الجميع عني
    ولكن تلك الرسائل لم تنسني🙂

    قود لك
    مع رسائل أفضل أو حطي وضع الصامت🙂
    سلمتٍ


  9. كلو كوم.. وسيتم تجديد الرنة قبل ماتخلص بكم يوم..دوت كوم

    ياصديقتي رح نحط ع الجرح ملح ونسكت

    ودٌّ


  10. مزاجيات :
    حسب تجربتي أنه في حالة الانقطاعات تتزايد عدد هذه الرسائل المزعجة
    لا أعلم سببا ولكن ربما لأننا نكون في حالة انتظار لأي شيء آخر غيرها.

    سعيدة بأن كلماتي رسمت الابتسامة على وجهك🙂

    سيدة الزرقة :
    حاطين ملح و ساكتين شئنا أم أبينا


  11. لا تعليق …
    هههههههههههه😀
    تحياتي !


  12. فعلا يا ريم

    بيرن المويايل و بفرح >>بقول لحالي حدى اتذكرني<<

    """"" لقد ربحت مبلغ مليون يورو اتصل على الرقم لمعرفة التفاصيل""""""
    و بيكون الرقم لأوغندا والله بيشهد

    بسرتش عن رقم المتصل بيطلع رقم من الجزائر:-|

    الله و كيلك عايشين على مصخرة ما كرة أرضية


  13. majodea
    لأ مجودة ما عمنحكي عنك .. الموضوع مخصص لرسائل الموبايل فقط

    Ehab A. Mohammed :
    تحياتي لك..

    فضل أتماز السباعي :
    بسيطة فضل روق مو حرزانة الشغلة.. ومتل ما قالولك .. عمبيسلونا بها المسجات احسن من بلا

  14. medaad Says:

    “”لقد ربحت شليون دولار في المسابقة اللي عمرك ما شاركت فيها وعليك الاتصال بالرقم 700090000000 في ما وراء البحار لتأكيد معلوماتك !!””

    ربحانة شليون وعم تقولي هيك للعالم مشان ما يضل عينها عليك..
    من أين لك هذا؟!!
    اعطونا مما اعطاكم الله..


  15. medad :
    تفوت معي شراكة . النص بالنص بس مسج التفعيل عليك . شو رأيك؟

  16. manolia Says:

    للاسف ما في حل .. زيدي على هالانفلونزا كمان انفلونزا الاتصالات من ارقام خارجية غريبة
    يمكن ردي متأخر ..😦 عجبتني مدونتك


  17. انا دودو ارجو ان تمسحوا هذة المسجات المزعجة والمقرفة يا اصحاب المنتدى لانى انا بخاف جداا جدا لما اشوف مسجات مزعجة ومقرفة طيب احدفهم
    وشكرااااا


أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: