مقاطعة الموبايل 1-6-2009
27 ماي 2009
الفكرة حلوة ..
مقاطعة الهواتف المتحركة احتجاجا على الاسعار
بتحسسك بإنو عايشين بجو فيو ديمقراطية و احتجاجات و معارضات و شغب (بعيد الشر عن السامعين).
ياريت كانت متأخرة شي اسبوعين تانيين منشان شارك فيها
بس تضامنا معكن رح قاطع “اتصالات” بها اليوم كمان.
و ما حدا احسن من حدا .
Reem's blog 
27 ماي 2009 at 12:37 مساءً
والله انا معك كمان مقاطع اتصالات ودو بهاليوم
يا عمي والله اسعار بهدلة بسوريا سدئني اغلى من كل الدول العربية
27 ماي 2009 at 2:27 مساءً
الفكرة منشورة منيح على الانترنت ..
بس النسبة الأكبر للأشخاص اللي بيستعملوا الموبايل هنن ما دريوا فيها ..
طيب وعلى اعتبار دريوا .. يوم واحد بكفي يا ترى ! ما بتوقع .. لازم نقاطعهم أسبوع ..
كمان يا خوفي تنهار الشركة ونصير بدنا ندفعلن ليرجعوها ههه
على قولتك ديمقراطية .. .يلا منضامن ومنشاغب شو رح يصير 🙂
27 ماي 2009 at 4:45 مساءً
أنا صرلي كم يوم مقاطع 🙂
فعلا متل ما قالت فرح الفكرة منتشرة عالانترنت لكن مهم أكتر تنشر بين غير الانترنيتيين.
تحية
27 ماي 2009 at 6:14 مساءً
ما بيطلع منها شي
الشركة عندها رقم ايراد معين رح يدخل جيبتها … حكيتو … قاطعتو … طفيتو الموبايل … رنيتو … المبلغ رح يدخل يدخل وشو مابدكم اعملو شو بدكم احلى من هيك ديمقراطية !
ملاحظة : لا حدى يستغرب شو يعني ( تعديلات ) او ( خدمات اضافية ) أو ( خدمات اخرى ) بفواتير التليفون … والمبلغ الموجود جنبه تعويض للشركة لانك قاطعتها …
ولجماعة الوحدات لما تعبي المرة الجاية لاتقول ليش الوحدات مو نظامية وكأنو عبى أقل .. ببساطة رفعوا التسعيرة لأول إضافة عليك
28 ماي 2009 at 3:03 صباحًا
ابن العم صف معنا صف
28 ماي 2009 at 5:48 مساءً
منقفله ..
عأساس كتير بيرن هالموبايل .. هههه
وشكراً لتضامنك معنا .. بس بدالك مابعملها ها .. صحللنا شركة متل اتصالات !
والله كريم ^_^
31 ماي 2009 at 1:13 مساءً
يعني صحيح أنوا الفكرة مارح تعطي نتيجة مباشرة
بس على القليلة بيصير عند شركات الموبايل علم
أنوا الناس بلشت تحكي وتعبر عن غضبها من موضوع ارتقاع تكاليف مكالمات الموبايل
وأول السيل قطرة
29 جوان 2009 at 2:56 صباحًا
آرجو استعمال هذه الإضافة للوردبريس لنشر الحملة.
29 جوان 2009 at 2:56 صباحًا
http://wordpress.org/extend/plugins/mobile-boycott/