كل جدول تقنين كهربائي و أنتم بخير

2 أغسطس 2009

بعد أن سرت إشاعات تخفيض عدد ساعات التقنين الكهربائي في أول شهر آب-أغسطس الحالي حيث تأمل الجميع خيراً بعد أن أعلنت تركيا أنها سوف تمدنا بالكهرباء أول آب لتنتهي أزمة التقنين الصيفي ، صدر اليوم جدول التقنين الكهربائي لمدينة حلب في جريدة الجماهير ليتضمن ساعتين صباحيات و ساعتين مسائيات كحد أعظم وسيتم تبديل المواعيد اسبوعياً. يعني لسه الشغلة مطولة.

كل جدول تقنين كهربائي و أنتم بخير🙂

للاطلاع على جدول التقنين من هنا http://jamahir.alwehda.gov.sy/_View_news2.asp?FileName=43187276220090801220523

6 تعليقات “كل جدول تقنين كهربائي و أنتم بخير”


  1. والي عم يفكر بزيارة لحلب
    قولك أيَّ أفضل وقت ممكن يختارو
    ……….
    تحية

  2. ناسداك Says:

    يعني عم يقطعوا الكهربا ويقطعوها وبالعتمة عم نقعد وبالشوب وبالملل … طيب ع الاقل ع الاقل يقولولنا ايمتا رح يقطعوها ولسا النهفة ما منلحق نتعود ع موعد بيغيروه

    بكير يا وزارة الكهربا بكير !! بس بدي افهم كيف رح نحاول نعمل تنمية وجذب استثمارات ولسا البنية التحتية مو كاملة عنا … حدى يحاول يقنعني !!

    ريم نحن خطنا غير خطكم وحاليا موعدها من 10 لـ 12 الصبح و 5 لـ 6😦 ما عجبني المسائي

    • ريـــم Says:

      نفسو أخي نفسو
      بس اليوم اتأخروا للـ 11 الصبح وساعة وحدة للـ12 منشان ما نظلم الجماعة
      والمسا من الـ5-6

      طول بالك .. هاد فلكلور سنوي واذا ما انقطعت الكهربا صدقني رح تحس في شي ناقصك

  3. rafiktech Says:

    ههههههههه يحرق حريشهم عنجد اذا بدهم يبطلوا يقطعوها راااح أفتح مدونة مشانهم من أجل يرجعوا القطع🙂

    العمى بقلبهم ما عاد نخلص من هالشغلة صار البرنامج عندنا كمان ساعتين بكير و ساعتين مساء” ……:)

  4. GOURYTEC Says:

    مرحبا
    عجبتني نصيحتك فوق شغل التقاطعات أكثر من خطة وزارة الكهرباء
    يعني بعتقد بموجب نصيحتك فوق كل شخص عم يفكر ينزل على البلد رح يلغي هالفكرة من أساسها
    لأنوا من المستحيل جدا إنك تلاقي ولو نقطة تقاطع صغيرة

    شكرا ريم صايرة مواضيعك قوية وعما تسلط الضوء على مشاكلنا الحالية بقوة

  5. Lacoste_ak Says:

    موضوع حلو وجريء , عجبني
    المشكلة انو مو بس بحلب صاير هالشي , عنا بالشام كمان .
    بس بحلب أكتر .
    أنا كليتي بحلب , وقعدت شهر الا شوي هونيك منشان قدم موادي , ومن قطع الكهربا والشوب , انحرق ضهري وصدري بشكل كامل وقسم من رقبتي , رحت لعند الدكتور قلي من الحرارة الداخلية انحرق جلدك !!!!!.


أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: