عرس مطنطن

10 أغسطس 2009

  • الساعة العاشرة مساءً
  • سيارة مرسيدس ينزل منها العريس وسط  حشد من أصدقائه “خفيفي الظل”
  • طبل بلدي  و زمر وزفة أو ما يسمى “عراضة”
  • الساعة الثانية عشرة و النصف بعد منتصف الليل
  • المشهد نفسه لم يتغير منذ ساعتين و نصف
  • العنوان : حفل زفاف “عرس” مطنطن

ولأنو مطنطن لازم ينطوش راسنا لمدة ساعتين و نصف بالطبل و الزمر أمام باب البناية دون أن نفهم الهدف من هذه الزفة الـ”مطنطنة” .

فإذا كان  الهدف هو الاستمتاع  و الانبساط بهذا النوع من الخبيط  فإن هذا الهدف يتحقق بالزفة داخل البيت وليس في منتصف الشارع الذي تعطلت حركة  السير فيه لمدة ساعتين.

أما اذا كان الهدف هو إعلام الجيران بأن هنالك حفلة عرس مطنطنة -لزوم المظاهر و الفشخرة الاجتماعية –  فإن هذا الهدف يتحقق بالطبل و الزمر لمدة عشرة دقائق او ربع ساعة في أحسن الأحوال.

ساعتين و نصف من الخبيط المتواصل تزامنت مع نوبة الصداع النصفي “الشقيقة” التي تتلبسني كل حين و آخر لتنتهي الزفة بوصول السيارات إلى بيت العروس لنقلها إلى مكان الاحتفال بالطريقة الفلكلورية التي تسمى “دورة العروس” وهنا يكون لزاما على أهل حلب أجمعين أن يحتفلوا بهذا العرس مجبرين غير مخيرين حيث تتجمع السيارات ويمارس أصحابها العزف على زمامير سياراتهم بشكل منفرد و الشاطر اللي بيزمر اكتر لزوم فعاليات المهرجان الحاشد  ويجوبون بهذه الجوقة شوارع المدينة معلنين حضور “العروس” !

متى سيصبح إزعاج الآخرين أمراً يُحسب له حساب في شوارعنا ؟؟

13 تعليق “عرس مطنطن”


  1. انا أتفق مع الجميع على انها فرحة العمر ولكن السؤال فرحة بالنسبة لمن ؟ للعريس وللعروس و للاهل كلام جميل يعني الجيران والسكان المجاورين لاعلاقة لهم بالفرحة فلماذا يتم الازعاج بهذه الطريقة ولكن الطبل والتزمير هما أقل مايمكن ان يحدث في عرس لاقلاق راحة الجوار كله فهناك بعض الناس يقومون بالاحتفال وعمل خيمة بوسط الحارة🙂 جميل ومافي مشكلة ولكن بالاضافة للطبل والتزمير هناك المطرب المغمور وصوتة الرنان والذي يلقي بالغراب من على الجوزة بالاضافة لمكبرات ومضخمات الصوت الرديئة وتشعر معها بأنك في عرس داخل حمام هذه الحفلة الامنتهية . تم تفضيل الذوق عن العلم وان رحمتم من الارض يرحمكم من في السماء ودمت.

  2. Somar Says:

    أنا معك تماماً.. ويجب أن نضيف…
    ولا يتوقف الوضع عند الشارع .. حيث أن الطامة الكبرى عندما تكون نفسك معزوماً إلى العرس حيث يقوم مهندسو الصوت (بالمناسبة لا يعرفون من خواص الصوت إلا علوه) باختبار القدرات التحملية للضيوف المساكين… و..و..و.. وهيك بتضل تطن دانك أسبوع بعد الحفلة … ومن هنا جاءت التسمية … عرس مطنطن….  

  3. ناسداك Says:

    كيفك جارتنا

    شو قال سمعنا في عرس بالحارة

    الله وكيلك كل يومين تلاتة لابد يتطنطن شي عرس او فرقة موسيقية او خلافو ودورة العروس صارت بالمناطق المشهورة بحلب على سبيل الفشخرة الاجتماعية مو اكتر حتى ما تقلها اختها انا لفتي كانت بالموكامبو والمحافظة وانتي يا حوينتك شوية سبيل وفرنسيسكان !

    مرة كان عنا اقاربنا من تركيا ومرة دورة عروس الساعة 12.30 ليلا الزلمة نط من اربعتو مرعوب وقال اتصلو بالشرطة اتصلو بالشرطة قلنالو خير خير اشفي … قال شو هالازعاج … قلنالو اي ازعاج .. قال هالزمامير والموسيقا والسرعة بنص الليل

    قلتلو تعى يا عين عمك لافهمك شو معناها … حبيبي هون حلب … هون العرس بيبدا بعد نص الليل وبيستمر لوش الصبح … هون لازم الليموزين تفتل نص احياء حلب الراقية وما بيغمضلا جفن اذا ما عملت هيك … اااااخ شو بدي احكيلك لاحكيلك

    الزلمة خلال اسبوع تعلم على اصول القيادة بشوارع حلب واصول الازعاج والزبالة و و و و

    ودّ


  4. تسألين إلى متى وتريدين أن نعطيك جوابا ً ؟؟

    كلٌّ سيقول لك إنها فرحة العمر (وشو ماعملوا ماحدا بيلومهون عليه)..

    ومادام الأمر يقتصر على الطبل والزمر فالقصة محلولة،وبدون شغب..أما إذا أصبح في الأعراس(كما في الأعراس المصرية مثلا) راقصات،والكل يتقاتل على الرقص أمامها..فالعرس سيتحول إلى مأتم حينها..

    الله يهني الجميع وع قبال الكل وبعرس مطنطن كمان😀

    ودٌّ

  5. gourytec Says:

    بعتقد اللي سبقوني حكو بما فيه الكفاية
    بس بدي إسأل هلق نحنا مدام متفقين على أنوا
    هالمظاهر هذه غلط بغلط ليش لما يتصير الحفلة
    بتخصنا أو بتخص أحد من أقاربنا منصير بقى وين في مظاهر
    فشخرة وإزعاج منفذها وساعة اللي بينحكى عن هالموضوع بالنسبة لناس جيرانا
    منقول صرعونا
    لو كل إنسان يقيس المقياس على نفسه ويحترم غيره كان ماو صلنا لها المهازل اللي
    عما تصير لك من شي كم يوم كنت نازل على الضيعة ولأجل الصدفة كان في عرس
    قريب من بيتا لك للساعة 4 بالليل ضرب الرصاص بتقولو جبهة
    إي بقيت عم ألعن الساعة اللي نزلت فيها على الضيعة لمدة شهر
    لأنوا يوميتها ما نمت نهائيا

  6. مجد الدين Says:

    مرحبااااااااا

    فيكي اتابعي الردود والنقاش على

    http://cisema.info/forum/showthread.php?p=40267#post40267

  7. faddy Says:

    والله يا ريم ، نحن لا أفراحنا فرح ولا أحزاننا حزن
    بلغة واقعية وليست إنهزامية … إننا مجرد شعب تافه متعصب فايت ب 600 حيط !

  8. فضل Says:

    بخصوص سؤالك أختي يللي حطيتيه بآخر التدوينة رح جاوبك

    ما حيصير

    يعني مثلا أنا😎 إذا كان عرسي رح ارقص و افقش و نطوط كمان و إلعب سيف و ترس و قوّم الدنيا و ما قعدها و الباقي يصطفلوا
    هي ليلة و ساعة فرح
    بدي اعملها على الساكت مشان عالم ما بعرفهم؟؟

    ” جوزناه و خلصنا منّو
    جوزناه و خلصنا منو

    ريحنا البنات منو
    ريحنا البنات منو ”

    =)

  9. حمزة Says:

    ريم لازم ماننسى إنو هالطنطنة
    هي حلم كل شب و بنت في مجتمعاتنا …
    والله يجمعنا جميعا ً بشي طنطنة بس بدون
    مانعمل لحدا شي صداع نصفي .
    من القلب تحية

  10. BASMA Says:

    متى سيصبح إزعاج الآخرين أمراً يُحسب له حساب في شوارعنا ؟؟

    عنجد متى ؟؟

  11. Mohanad Nassif Says:

    يجب أن بتقى الفرحة على ما هي عليه من معاني جميلة وهي ليست ملكا للعريس أو العروس فالفرحة مفتوحة المصدر لا يجب على أحد إستغلالها ونسبها إليه رغم عن أنف الجميع, أنا ضد هذه الظواهر اللإنسانية هذا ما عدا أصوات أبواق السيارات وإطلاق النار في الشارع وقرب نوافذ الرضع وكبار السن, من الطبيعي أن يمتلك العرس طابع “بهجوي” لكن داخل صالة أو منزل أو فيلا,سمعت خبراً يتناول صوت القران في سيارة دفن الموتة على أنه مكروه ! (أنا مع منع هذه الظاهر وبقائها في الجامع والمنزل)
    لكن ماذا عن إزعاجات ومخلفات بهجة العرس ؟
    “شخصيا”
    مايزعجني شخصياً هو عندما أقف عند إشارة المرور الحمراء وأرى موكب العريس وأقربائه يتجاوزوها”
    اللـــــــهم أصلحنا … أمين…


  12. انا براي وبحكم انه انا متزوج انا والحمدلله سعيد بزواجتي الزواج لما بيكون بدايته فرحه ومافيه اي عوايق او عرقصات وتغيرات من جهة العريسين راح بيكون باقي ايامه كتير منيحه وانا بنصح انه الواحد لما يبتدي يتزوج يتفق هو ورفيقته على الاتفاق على انه ماحدى يداخل بيناتن وما يسمعو كلام حدن منشان تعدي الزفاف والزواج على خير وبس وصدقوني الامور بتمشي هيك بكل بساطه بالتفاهم


أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: