الغباء يعيد نفسه !

11 يوليو 2010

SOS : واالله يا ريم اكتشفتلك انو هالتاريخ يعيد نفسه فعلاً.

reeemty: اكتشاف عظيم والله بس كيف وصلت لها النتيجة .

SOS: من شي سنتين كنت ماشي بطريق و فجأة وقعت بجورة وانكسرت و بقيت مجبر رجلي شي شهرين لحتى اتعافيت .

reeemty: له له سلامتك وبعدين ؟

SOS: من يومين رجعت مشيت بنفس الطريق و رجعت وقعت بنفس الجورة و رجعت انكسرت نفس الكسر بس عالجتها هالمرة بسرعة لأنو صار عندي خبرة بكسور الحفر:mrgreen: شفتي بقى كيف التاريخ بيعيد نفسه ؟

reeemty: لا مو هيك القصة فيك تقول الغباء يعيد نفسه لأنو مافي غير الغبي اللي بيوقع بنفس الحفرة مرتين😆

SOS: لا يا ستي مو غبي . انا كنت بعرفه للطريق و متوقع اوقع بالجورة بس هوي الطريق سحبني لحتى امشي فيه !!

reeemty: هلأ فهمت معناها الحق على الطريق ، بس معقولة نفس الطريق ونفس الحفرة ؟

SOS: وحياتك كلو نفسو كأنو عم عيد السيناريو اللي صار من سنتين.

reeemty: يا الاهي ع الغباء .

SOS: هاد مو غباء هي شجاعة ، لأنو كنت بعرف اني رح اوقع بس ما خفت و كملت طريقي . 😕

reeemty: اي هونها على حالك يا عمي الشجاع بس ما تبليه للتاريخ و تقول انو عم يعيد نفسه.

SOS: مو احسن ما اطلع واحد من اغبياؤه لها التاريخ .

reeemty: وكيفا رجلك عم توجعك يا خبير الحفر .😀

SOS: لا والله هالمرة مخي عم يوجعني .

reeemty: يا حزرك المرة التالتة رح ترجع توقع ؟

SOS: والله مابعرف معقولة ارجع عيدا ؟!

—————————————————————————————–

هل يعيد التاريخ نفسه فعلاً أم أننا نكرر أخطاءنا والتاريخ بريء منا ؟

Add to FacebookAdd to DiggAdd to Del.icio.usAdd to StumbleuponAdd to RedditAdd to BlinklistAdd to TwitterAdd to TechnoratiAdd to Yahoo BuzzAdd to Newsvine

24 تعليق “الغباء يعيد نفسه !”

  1. tabosho Says:

    يعيد نفسه التاريخ نفس هالعيدة
    فقط عندما نكون محشيش او مو صاحيين

    لا لا بيعيد نفسه ولا شي

  2. A.Gdedouy Says:

    لربما نحنا نكرر اخطاءنا ونحط الحق عالتاريخ


  3. […] This post was mentioned on Twitter by المدوّن. المدوّن said: الغباء يعيد نفسه ! http://bit.ly/bZcwa1 […]

  4. لولة Says:

    أهون شي إنه نلزقها بضهر النصيب .. مااااافي غير هالحل🙂

  5. بشر Says:

    كلو عم يعيد كلو … الأكل – الشرب – الهوا – التاريخ …… شو بدنا نعمل ؟؟؟؟؟

  6. gabriel Says:

    التاريخ يعيد نفسه يستخدم عادة في المجال السياسي
    ودلالة على الموروث الثقافي الثابت وككسر للقاعدة التي تقول ( لا ثوابت في السياسة )
    بس جورة وشارع وطبّة وانسان مفتّح
    انو ما حسيتا زابطة 😀

  7. farah Says:

    حلوة ريم🙂

    يعيد التاريخ نفسه لكن بأشخاص مختلفين إما لأنهم لم يقرؤوا التاريخ أو لأنهم لم يقتننعوا انهم سيخطأون أيضاً


  8. نعيب زماننا والعيب فينا
    ومالزمانا عيب سوانا


  9. أرى في هذا الحوار البسيط, أنه أكثر من مجرد جلسة وثرثرة , أجد فيه وصف لواقعنا نحن العرب
    أجد فيه التبرير الدائم لأنفسنا ؟؟ وربما برأي الآخرين أبدو مخطأ

    أمتعني الحوار , وسلامة خبير الحفر😉

  10. Reem Says:

    بتعرف يمكن لو المرة التانية وقع و قال انا وقعت لاني غبي ممكن المرة التالتة ما يوقع
    بس القصة انو التبريرات جاهزة دايما ، انا شجاع انا مابخاف انا ذكي مع انو العكس تماما

    العلة عدم الاعتراف بالخطأ و ايجاد التبريرات دائما

  11. لبنى Says:

    والله كلامك بمحله ..قال التاريخ يعيد نفسه !!

    لك ياريت بشغلة الفركشة و بس .. في ناس الله وكيلك بتخبص اكتر من هيك وبتتفاخر بانه التاريخ يعيد نفسه .. اعتقد هدول مساكين لسا الجهل معشعش بعقلون …

    يسلمو ريم .. غيرتيلي جو بهالحوار الممتع ^^

  12. Reem Says:

    هل التاريخ يعيد نفسه أم لا هذا الي إجابته عند كل شخص مننا غير
    وهو الي بيسيره مثل ما يبغى

    لكن الي أعرفه إنو

    ” الذي لا يتعلم من التاريخ محكوم عليه بإعادته ”

    تلقيتها في مدونتي حياك الله


  13. ما أعتقد التاريخ له ذنب
    فالخطأ يتكرر من الانسان
    ومن لا يتعلمن من خطأه هو الخسران بالأول والآخر

  14. soul Says:

    التاريخ مايعيد نفسه
    الأنسان يكرر أخطاءه
    والأحسن يتعلم منه و لا يعيده

  15. سوزان Says:

    ٍSOS هذا كأنه شخصية في كوميك بوك!

    ولكن بغض النظر عن ذلك أعتقد أنه إن لم نفكر في الخطأ ولماذا حصل, فاحتمال أن نكرره سيكون أكبر. وهذا يعيدنا للمعروف وهو التعلم من الأخطاء.

    باعتقادي كون التاريخ يعيد نفسه كما يقال يعني أن الطبيعة البشرية واحدة, والبشر نفسهم بالرغم من اختلاف الوقت والزمان, هناك أمور يغيرها الزمان -أو شيء آخر- وهناك أمور في طبيعة الانسان تظهرها تدرجات الأحداث.

    شكرا على الموضوع المختلف والمحفز للتفكير.

  16. majjood Says:

    التاريخ يعيد نفسه لعلها مقولة للتعبير عن السنن والقوانين الثابتة للكون ، فالقانون ثابت لم يتغير لكن الناس والأماكن هي التي تتغير ، فعندما تتكرر الحادثة نفسها في زمان ومكان مختلفين نقول التاريخ يعيد نفسه ..
    أما على مستوى الأفراد وتجاربهم ..فهنا يصدق قولك بأن الغباء هو الذي يعيد نفسه.


  17. التاريخ لا يعيد نفسه لأننا نحن نصنعه.
    و لكن علي القول بأن الوقوع في نفس الحفرة مرتين صعبة قليلاً ^_^
    شكراً لك.

  18. مَحمد Says:

    طبيعي🙂
    يخطئ البعض يوميا نفس الخطأ على اعتقاد الصواب وهم ابعد مايكون عنه !
    انا كنت من الناس دي لفترة ما ، والحمد لله انها انتهت !

  19. حمزة Says:

    بالفعل هو غاية الغباء بل وأظننا قد نظلم الغباء
    حيث نصف من دونه به ..

    كيفك انت ؟

  20. Seem Says:

    استفقادة كالعادة :
    السلام عليكم ورحمة الله وبركاته ..شخبارج شعلومج🙂 .. وفقك الله أختي الكريمة ريم خانم يلي مابتحب الألقاب وسلاماتي لأبو حميد الورد طمنينا عنو بشي ميل بالغلط 🙂 …

  21. Diouby Says:

    الحق مو على التاريخ الحق على البلدية اللي ضليت سنتين ما عرفت سكرت هالجورة
    مو عارفة انو في بلدنا اغبياء كتير


أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: