واجب تدويني .. “الأسرار”..!

7 سبتمبر 2010

اول شي بدي قول شكراً لـ لبنى اللي مررت هالواجب التدويني لإلي ،

المطلوب في الواجب هو كالتالي :

أن تذكر ستة أسرار لا يعلمها الآخرين عنك ، و أن تقوم فيما بعد بتمرير الواجب إلى ستة مدونين آخرين “.

ما رح نختلف انو الاسرار بس تطلع بره اتنين بتصير مشاع ، و بالنسبة إلي بس تطلع بره نفسي بتحترق ، منشان هيك رح اعتبر ما سيتم التصريح عنه معلومات قد تكون  خفية ، ومابعرف اذا الواجب لازم يتضمن الصفات السلبية فقط لانو اذا هيك معناها مارح يبقى حدا يفوت على هالمدونة بعد اليوم .

رح ابدا :

1- مسالمة جداً:mrgreen: :

بس مابعرف ليش بلاقي حالي بالصدفة البحتة بنص المشاكل دائماً ، يمكن انا بحاجة لمزيد من تدريبات ضبط النفس و تخفيض نسب الأدرينالين التي تؤدي إلى سرعة الاشتعال .

———————————

2- و بحب الناس الرايقة اللي بتضحك على طول 8)

اللي متلي ، يعني اللي بيقدرو يخلقوا شي يضحكوا عليه بنص الأزمة و بأصعب وقت

———————————

3- عندي فوبيا من شي اسمه قعدة بالبيت بين اربع حيطان

مما يجعلني صانع أنشطة و منظم رحلات لا يهدأ إلا أن التنظيمات غالباً ما تنتهي بالفشل و أكيد دائماً  بسبب الجمهور غير المتعاون 😕

———————————

4- بخاف اخد القرارات

و بفضل القرارات هي اللي تاخدني بطريقها (سلبية يعني) ،
بس اذا حصل و اخدت قرار مستحيل اتراجع عنو (تناحة) .

———————————

5- ذاكرتي قوية جداً

لو بفقد نص  ذاكرتي بكل شي فيها منيح و عاطل رح كون مرتاحة و نام بهدوء أكتر.

———————————

6- مترددة و متقلبة 🙄

رأيي ممكن يتغير من الصبح للمسا أو حتى أسرع ، حتى قناعاتي قابلة للتبديل لما بكتشف انها كانت غلط،
بس أكتر شي بياكلها اللي بينزل معي على السوق .

————————————————————————————————-

يمرر إلى المطلوبين أدناه :

1- HumanGraces

2- سيدة الزرقة

3- دعدوشة

4- ناسداك

5- مدونة فضل

6- Mohammad Shackow’s Blog

21 تعليق “واجب تدويني .. “الأسرار”..!”

  1. دعدوشة Says:

    ريم جوزائية شي؟؟؟
    لانو هالشخصيتين بشخصية وحدة مابيكونوها الا الجوزائيين

    ميرسي ع تمرير الواجب الا ماينحل

    • Reem Says:

      لا والله دعدوشة انا من جماعة عقرب لا تقرب
      بس اختي جوزائية بيمشي الحال؟؟🙂

      ما تنسي تحلي منشان تاخدي عشرة من عشرة

      نورتي

  2. لولة Says:

    ياسلام على الناس الرايقة يللي جمعورعا مابيتعاون معها🙂

    كتير حلوة ولذيذة التدوينة🙂

  3. فضل Says:

    بما إنو إتمررت الوظيفة إلي
    كنت مفكر إني رح كون أول واحد يرد بس ما شاء الله
    سبقوني😦
    حلوة هالأسرار .
    كتير كيوت :mrgreen:


  4. […] لبنى اللي مررت هالواجب التدويني “ لمعلمتنا بالتبعية “مدونة ريم خانم […]

  5. لبنى Says:

    هههههههههههههههههههههه

    مهضومة يا ريم
    اسرارك قريبة من القلب كتير
    عجبتني الاولى
    بتشبهيني بالتانية و التالتة والخامسة .. حاسة بمعاناتك من الذاكرة القوية p:

    يسلمو دياتك و بعطيك ع هالوظيفة 10 من 10

    ^^

    يلا صبايا و شباب حلو وظيفتكم لنشوف الابداعات السرية :]

    تحياتي

    • Reem Says:

      شكرا على التمرير مرة تانية
      الواجبات التدوينية و تمريرها بيخلق حركة حلوة بمجتمع التدوين .. كتريلنا منهون على طول …

  6. اللجي Says:

    ما شاء الله
    ما اتوقع السوريين راح يكون محبين الواجب التتدويين
    ولا طلع الامر معكوس…..

    تتدوينة ظريفة…….

  7. حمزة Says:

    السلام
    الحب
    الخوف
    الذاكرة
    المزاجية .

    مختصر جميل ..

    ولنا عودة

  8. soul Says:

    ظريف هالواجب
    بما أن تمرر لك واجب
    راح أعطيك واجب ثاني ريم
    أتمنى تجاوبيه

    http://goo.gl/PyfN
    ^_^ ^_^

    • Reem Says:

      شكرا على هالورطة
      من فترة اسررت لاحدهم ان واجب القراءة هو اكثر واجب ممكن اتورط فيه ولكنني ساجاوب عليه ان شاء الله

      اهلا بك


  9. ريم صدقاً مو طبيعي قديش في أمور متشابهة وخصوصي اول سر🙂
    يمكن كل يلي برجهن العقرب هيك🙂 لأن برجي كمان العقرب
    لتفة تدوينية حلوة , بالمناسبة انا وصلني الواجب من مدونة فرح
    وبتشرف بمرورك🙂
    شكرا ريم
    أطيب الأمنيات


  10. […] نبدء مع الشكر على التوريطة من ريم ، بس من التوريطات الحلوة بعالم التدوين […]


أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: